Japan Foundation Test for Basic Japanese (JFT-Basic) परीक्षा नियम र सर्तहरूको लागि जापान फाउन्डेशन टेस्ट

तल लेखिएका सर्तहरू पूरा गरेका व्यक्तिहरूले "आधारभूत जापानिज भाषाको लागि जापान फाउन्डेशन परीक्षा" (यस उप्रान्त "यो परीक्षा" भनिनेछ) मा दिन सक्नेछन्।

(1) जापानी भाषा मातृभाषा नभएको व्यक्ति
(2) इन्डोनेशियाको नागरिक भएमा, परीक्षाको मितिमा, इस्वी संवतको आधारमा १८ वर्ष वा सो भन्दा बढीको व्यक्ति
(3) म्यानमारको नागरिक भएमा, परीक्षाको मितिमा, इस्वी संवतको आधारमा १८ वर्ष वा सो भन्दा बढीको व्यक्ति
(4) जापानमा परीक्षा दिने खण्डमा, परीक्षा दिने व्यक्तिले माथि उल्लेख गरिएका (1)～(3) का सर्तहरू पूरा गर्नुका साथै सो व्यक्तिसँग जापानको बसोबास योग्यता (भिसा) हुनुपर्नेछ (छोटो अवधिको बसोबास योग्यता (भिसा) पनि स्वीकार्य हुनेछ)

१. जापान फाउन्डेसनले व्यक्तिगत जानकारी (*) लाई जापानको व्यक्तिगत जानकारीको संरक्षण सम्बन्धी ऐन र अन्य सान्दर्भिक कानून र दिशानिर्देशहरूको अनुपालनमा उचित रूपमा ह्यान्डल गर्नेछ।

*व्यक्तिगत जानकारीले जीवित व्यक्तिको बारेमा जानकारीलाई जनाउँछ जसले कुनै विशेष व्यक्तिलाई उनीहरूको नाम, जन्म मिति, वा जानकारीमा समावेश अन्य विवरणहरू (कागजातहरू, रेखाचित्रहरू, वा इलेक्ट्रोनिक रेकर्डहरूमा वर्णन गरिएका वा रेकर्ड गरिएका सबै कुराहरू, वा आवाज, कार्यहरू, वा अन्य विधिहरू प्रयोग गरेर व्यक्त गरिएका सबै कुराहरू) (प्रोमेट्रिक ID बनाउने गर्दा र परीक्षा आरक्षण गर्दा दर्ता भएको व्यक्तिको बारेमा जानकारी, साथै जापान फाउन्डेसनमा प्रदान गरिएका कुनै पनि पछिल्ला परिवर्तनहरू, परीक्षा रेकर्डहरू, स्कोरिङ नतिजाहरू, र अन्य प्रकारका जानकारीहरू), वा व्यक्तिगत पहिचान कोडहरू मार्फत पहिचान गर्न सक्छ।

२. जापान फाउन्डेसनले निम्न उद्देश्यका लागि व्यक्तिगत जानकारी प्रयोग गर्नेछ:

• यस परीक्षाको सहज कार्यान्वयन, मूल्याङ्कन र स्कोरिङ
• यो परीक्षा सहित जापान फाउन्डेसनद्वारा आयोजित वा सह-आयोजित परीक्षाहरूमा शैक्षिक दुर्व्यवहारको रोकथाम वा अनुसन्धान।
• यस अध्ययनको तथ्याङ्कीय विश्लेषण, अनुसन्धान, वा तालिम त्यस्तो रूपमा जसले व्यक्तिहरूलाई पहिचान गर्दैन।

३. जापान फाउन्डेसनले तल सूचीबद्ध गरिएका अवस्थाहरू बाहेक, आवेदकहरूबाट सङ्कलन गरिएको व्यक्तिगत जानकारी तेस्रो पक्षहरूलाई व्यक्तिको पहिचान हुने तरिकाले खुलासा गर्नेछैन।

• कानूनद्वारा आवश्यक पर्दा
• यदि आवेदकबाट सहमति प्राप्त गरिएको छ, वा यदि जानकारी आवेदकलाई प्रदान गरिएको छ भने।
• सङ्कलन गरिएको विवरणको प्रशोधन गर्नलाई जापान फाउन्डेशनद्वारा ठेकेदारहरूलाई दिइएको कार्यहरू पूरा गर्ने, आदि कार्यमा आवश्यक पर्ने हद सम्म मात्र विवरणको खुलासा गरिने स्थितिमा

४. यदि कुनै आवेदकले आफ्नो व्यक्तिगत जानकारीको प्रयोगको उद्देश्य बारे सूचित गर्न चाहन्छ भने, यसलाई खुलासा गर्न, सच्याउन, थप्न, मेटाउन वा सार्वजनिक रूपमा आफ्नो व्यक्तिगत जानकारी हटाउन चाहन्छ भने, जापान फाउन्डेसनले आफ्नो व्यक्तिगत जानकारी सुरक्षा नीति अनुसार प्रतिक्रिया दिनेछ।

५. जब जापान फाउन्डेसनले व्यक्तिगत जानकारीको प्रयोगको माथि उल्लेखित उद्देश्यहरूको दायरा भित्र व्यक्तिगत जानकारीको व्यवस्थापनको एक भाग तेस्रो पक्षलाई सुम्पन्छ, यसले तेस्रो पक्षले उपयुक्त सुरक्षा व्यवस्थापन उपायहरू लागू गरेको सुनिश्चित गर्नेछ।

६. जापान फाउन्डेसनले आवेदकको व्यक्तिगत जानकारी र यस परीक्षाको स्कोरिङ नतिजा जापानको प्रशासनिक एजेन्सी वा अन्य सम्बन्धित निकाय वा परीक्षा सञ्चालन हुने देशलाई अनुरोधमा खुलासा गर्नेछ।

७. जापानको अध्यागमन सेवा एजेन्सीले जापान फाउन्डेसनले खुलासा गरेको जानकारी प्रयोग गरी परीक्षा पास/फेल जानकारी जाँच गर्न बाह्य वेबसाइट सञ्चालन गर्नेछ। यस वेबसाइटमा, आवेदकको परीक्षा नम्बर र जन्म मिति खोज मापदण्डको रूपमा प्रविष्ट गरेर, आवेदक उत्तीर्ण भएको छ वा छैन भनेर मात्र प्रदर्शित गरिनेछ।

८. यदि कुनै जापानी वा विदेशी प्रशासनिक निकाय, विश्वविद्यालय वा अन्य शैक्षिक संस्था, कम्पनी, आदिले विषयवस्तुको शुद्धताको बारेमा सोधपुछ गर्छ भने। वैध कारणले गर्दा यस परीक्षाको मूल्याङ्कन नतिजाको सूचना, जापान फाउन्डेसनले त्यस्तो सोधपुछको जवाफ दिनेछ।